“ကိုယ်စားဒဏ်ရာ”

မွေးညှင်းစိမ်းတွေ အရိတ်ခံရလို့
ကန္တာရ သမင်ဖြူကွက်တွေနဲ့
အရေပြားကင်ဆာဖြစ်ပြီး
ကမ္ဘာကြီး ပူနွေးလာတာလား….

သွေးကြောတွေ အဖေါက်ခံရလို့
ချဉ်ဆီခမ်း အနာရွတ်တွေနဲ့
ခုခံအားကျဆင်းပြီး
ကမ္ဘာကြီး ပူနွေးလာတာလား….

မဟုတ်ဘူး…
ငါတို့
သက်ပျင်းငွေ့ငွေ့လေး ချလိုက်တာနဲ့
ကမ္ဘာကြီး တစ်ရက်ထက်တစ်ရက်ပူနွေးလာတာ…။

အဖြူရောင်ကိုယ်ကျပ် အလုခံလိုက်ရလို့
ရေခဲတောင်တွေ ရှက်ရှက်နဲ့
မြစ်တွေထဲ ဆင်းပုန်းပြီး
သမုဒ္ဒရာတွေ မြင့်တက်လာတာလား….

ညစ်ပေနေတဲ့ လေတွေရှုရှိုက်နေရလို့
ကောင်းကင်က အဆုတ်ရောဂါနဲ့
ချွဲကပ် မုန်တိုင်းဆင်ပြီး
သမုဒ္ဒရာတွေ မြင့်တက်လာတာလား….

မဟုတ်ဘူး…
ငါတို့
မျက်ရည်သေးသေးလေး ပဲ့ကျသွားတာနဲ့
သမုဒ္ဒရာတွေ တစ်ဆထက်တစ်ဆမြင့်တက်လာတာ…။

မြိုပြရဲ့ ဖနောင့်ပေါက်ခံရလို့
ဆက်ထားတဲ့နံရိုးနှစ်ချောင်းကျိုးတာနဲ့
အကြောတွေဆတ်ကနဲ ရုန်းပြီး
ငလျင်တွေ လိမ့်လာတာလား….

ကုတ်ခြစ်ပြီး ဆွဲလှန်ခံထားရလို့
ချွေးပေါက်တွေပိတ်နေတာနဲ့
ပြည်တည်နေတဲ့အနာဖုနေရာက ချော်ရည်ပူတွေထွက်ပြီး
ငလျင်တွေ လိမ့်လာတာလား….

မဟုတ်ဘူး…
ငါတို့
နှစ်လုံးခုန်သံနှေးနှေးလေး ဆောင့်ရုန်းလိုက်တာနဲ့
ငလျင်တွေ တစ်ခါထက်တစ်ခါ လိမ့်လာတာ….။

အခုလေ
ကမ္ဘာကြီးက……
ကိုယ့်မျက်နှာကိုယ်ပြန်မကြည့်ရဲပဲ အရှက်သည်းနေချိန်မှာ
ငါတို့က…
ကိုယ့်မနက်စာ ကိုယ်လှန်မကြည့်ရဲပဲ ကျပ်တည်းနေလိုက်တာ….။