အလည်လွန် အမိငယ်

ဒီကဗျာလေးက အခုလတ်တလော တွေ့မြင်ကြားနေရတဲ့ ဖြစ်ရပ်တစ်ခုကို သုံးသပ်ရင်း ကောင်းစေချင်တဲ့ ဆန္ဒလေးကြောင့် ပေါက်ဖွားလာတဲ့ ခံစားချက်ကို ဖွဲ့တည်ထားခြင်းပါ .. စကားလုံးတွေထဲမှာ ရိုင်းတဲ့ အသုံးအနှုန်းလေးများစွာ ပါခဲ့ရင် နားလည်ပေးပါလို့ ပြောပါရစေ ...။


အသိစိတ်ကို ဖဲ့ကာခြွေလို့
ငွေကြေးက ဥုံဖွဆို,
ရောက်မလာဘူး အမိငယ် ..
ရယူခြင်းရဲ့ ပေးဆပ်မှုနောက်
မင်း ... လူလုံးပျောက်မယ် ...

မေးလိုက်ရင် ကျောင်းသူလေးပါ
ပြောလိုက်ရင် သင်တန်းနဲ့
နှစ်ခုအကြား အဆက်အသွယ်ပြတ်
လစ်လပ်နေတာ မင်း .. ဘယ်သွားနေလဲ ...

ငယ်ငယ်ရွယ်ရွယ် အသစ်စက်စက်
လတ်ဆတ်နေဆဲ အိပ်မက်တွေနဲ့
လောကကြီးကို အမှောင်ချလို့
မင်း .. မျိုးပွားနေတယ် ...

လမ်းတကာမှာ သဘောရိုးနဲ့
မနောတိုးတဲ့ မင်းပုံစံလေး
ရှာပုံတော်ဖွင့် ကမ်းလင့်နေတာ
အဆိပ်အတောက်နဲ့ နဘေးရောက်လိမ့်မယ် ...

အညီအဟောက်နဲ့ ရာဇ၀င်ပျောက်မယ့်
ယုတ်စွအဆုံး ခန္ဓာသုံးလို့
မင်းဘ၀ကို မှောက်လျှက်ထားတာ
ဝဋ်ကျွေးကြောင့်လား ...

ညရဲ့ဆူးမှာ စွင့်ခေါ်ကာ,
လှစ်ဟာပြတဲ့ မင်းကိုယ်လုံးကို
ယိမ်းတိုက်သလို မှေးရိုက်နေတာ
မင်းပျော်မွေ့လို့လား ..


အတိတ်ကံနဲ့ လက်ရှိဘ၀
မင်းစေညွှန်ရာ ခန္ဓာသားမှာ
အသွင်သစ်နဲ့ အချဉ်ဖေါက်တောင်
မင်း .. လမ်းစပျောက်မယ် ..


ငွေဂုဏ်မောက်လို့ ဇိမ်ခံလိုက်မယ့်
တစ်ချို့တစ်ချို့ ဦးဦး,ဘတွေ
ကလေးမြူဆော့ စိတ်တွေဖေါက်တော့
တောင်းသလောက် ရမယ့်.. အထပ်လိုက်တွေ
အိမ်လိုအိမ် ငွေလိုငွေနဲ့
တိုက်အလွှာ အထက်မှအောက်,
အတက်အဆင်း ...
ခြေကျင်းတွေ နာနေမှဖြင့်
ပို့ကာခိုင်းတဲ့ အထူးကုဆီ..
အော် ... လိုက်ဖက်ညီစွ ...

အိမ်က သားမယား
ပစ်ခွာထားလို့ ညည့်နက်သန်းခေါင်
တွေ့မရှောင် ကြုံတုန်းမှာမို့
အသက်အရွယ် ဘေးချိတ်ကာထား
သာယာပျော်မြူး ယမကာအရစ်နဲ့
သမီးက ဟိတ်ဟန်ပြတော့
ကြွေရပြန်ပေ့ါ ဦးဦး,ဘတွေ

ဦးဦး,ဘတွေကြား
ဗျာများနေလဲ အပိုတွေမို့
အချိန်တန် အိမ်သာပြန်တဲ့,
သူတို့တွေမှာ ပီတိမထူးနဲ့
ယစ်မူးနေပေမယ့် ..
မင်းမှာတော့ ခေါက်ခနဲနဲ့
မှောက်လဲတဲ့ အဖြစ်လို
မိဘကို အလျှောက်မကောင်းလို့
ဟိန်းဟောက်ခံကြားက ပြောလိုက်သေးတယ်,
သူငယ်ချင်းမွေးနေ့ အလည်လွန်၏တဲ့ ...

အရှုတ်ထုပ်နဲ့ အမျိုးယုတ်မယ့်
အဖြစ်တွေမို့ မင်းမူလေးကို
ပြင်ကြည့်လိုက်ပါ အမိငယ် ..

မင်း .. ဖြစ်ပျက်သမျှ
လိုက်ကာတုမယ့် မိန်းမငယ်အချို့
အတိမ်းကြွယ်လို့ လမ်းမှားရောက်သလို ..
အယူတိမ်းလို့ အကြွေစောရင်ဖြင့်
ရင်နင့်စရာ..

မင်းလုပ်ရပ်ကို ဆွဲနှုတ်လို့
အဟုတ်လုပ်ပါ,
သဘာဝရဲ့ အလှတရားကို ..

အချိန်သည် မင်းနှင့်အမျှ
လည်ပတ်နေတာမို့ စရိုက်ဆိုးရဲ့
အမှိုက်ဆိုးတွေ ခ၀ါချရင်း
လိမ္မာလေတော့ အမိငယ် ...။