သူလေး

ဆံလွှာစင်းပင် ကေသာပိတုန်း
နုနယ်ပျိုဖြန်း ရုပ်၏စွမ်းနှင့်
အာရုံဖြင့်နှော စိတ်ဖြတ်သန်းတဲ့
သူလေးရဲ့ ... ဟန်

လှမ်းနေခြေကြွ ထူးကာလျှောက်တော့
မြင်သူလူငေး ငါလည်းကြည့်တော့
အညှာမခိုင် အစဉ်သာပိုင်တဲ့
ဒီအသည်းမှာ စွဲပျားလိုပဲ
အုံအဆင်နဲ့ ပြုံတစ်သလို
ချစ်စိတ်တွေက စီရီစီရီ ...

ပွင့်လွှာစကား ထွက်လွင့်သန်းတော့
သည်းခြေစုမှာ မြဲနေမြစ်လို
စွဲနေတာတွေ အမှန်ရယ်ပ
သူလေးရဲ ... အသံ

ဘာသာတရား လျစ်လျူမရှု
ကုသိုလ်ပြုလို့ တွန့်ဆုတ်မနှေး
လောကီရေးကို လမ်းမှန်လျှောက်ပြီး
ကြိုးစားအားထုတ် အပြုဆောင်တဲ့
မနောဖြူတဲ့ ချောနှမသူ ...

ကြိုက်၏တစ်သွယ် ရှိုက်ထိလွယ်လို့
စိုက်ကြည့်တစ်ဖန် သည်းထိမှန်ပြီး
အစိုးမရလို့ ရိုးရွနေတယ် ...

ဆုံတွေ့ခြင်းရဲ့ ဇတ်လမ်းလေးရယ်
မဖြစ်နိုင်မှန်း တွေးတောနေလို့
တင်းခံနေပြီး ငြင်းဆန်နေတယ် ...

ကြယ်စင်စုတွေ ကွယ်ပျောက်ခြင်းနှင့်
အလွမ်းပန်းလူ အနမ်းချူတော့
အိပ်စက်လမ်းက သူ့ထံပါးမှာ ...

ပျော့ဖယောင်းလို ညွှတ်ကိုင်းနေလို့
အရည်ပျော်ကျ ဒီညတွေမို့
ရက်တွေဆက်တိုက် ဖြိုးဖြိုးဖျောက်နဲ့
ဖက်စွတ်မိုးလို့ ဆွတ်ရုံကျမယ့်
တစ်စက်တစ်ပေါက် အအေးရောက်အောင်
သွန်းဖြိုးလှည့်ပါ သူ့တစ်ယောက်ရယ် ...

ညတစ်ချို့ရဲ့ ကြယ်လင်းစုံဟာ
သူ့ဆံနွယ်ကြား ပုန်းနေသလားပဲ ..
အရူးမူးနဲ့ ကြယ်ကြွေကောက်သူ
င့ါတစ်ယောက်တွက် အလင်းစင်နှင့်
သာယာလှည့်ပါ ညကမ္ဘာကို ...

အသည်းတစ်ပွင့်ရဲ့ ကမ်းလင့်အိပ်မက်
လှမ်းဆင့်မက်လို့ မှန်းတင့်တယ်ပြီး
လမ်းဖွင့်ထားတဲ့ အသည်းတံခါး ,
ဝင်မလာလေလို့ ကြွေကာညှိုးတယ် ...

အတွေးနယ်မှာ လွင့်ပျံ့ခြယ်တော့
သူတစ်ယောက်ရဲ့ ရင်ခုန်သံကို
လှိုင်းတစ်ဖြစ်နဲ့ ခတ်ဆင့်ရိုက်လို့
ထပ်တူပြုမယ့် နေ့ရက်အချိန် ...

ပန်းခင်းလမ်းမှ ဆူးပန်းပွင့်ကို
မခြွေရက်လို့ အနေခက်နေလည်း
ငါလေ .. ကြွေဆက်နေမယ် ...

အပိုင်းအစ တစ်ချို့တစ်ချို့
နှိုင်းပြလို့ မရတာမို့
လှမ်းတပြစာ လမ်းကျဉ်းလေးမှာ
ဟိုက်ကျစွာ ပြေးနေမိလည်း
ကမ်းလင့်ကာ လှမ်းဆင့်ရင်ဖြင့်
ကံတင့်တယ် အမှန်တစ်ဖြစ်ကွဲ့
အဖြစ်အပျက် အမှန်မှားနဲ့
စံဖြစ်မယ့် င့ါချစ်ခြင်း ...
သူတစ်ယောက်တွက် ပုံအပ်နှင်းတယ် ..။